{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज आपल्या परिवारातील सदस्यांना वेळ द्याल. कुटुंबियांबरोबर आनंदाने आजचा दिवस व्यतीत कराल. काही महत्त्वाचे आर्थिक व्यवहार पूर्ण करताना कुटुंबीयांचे सहकार्य लाभेल.

वृषभ
आजच्या दिवशी नवी उमेद, उत्साह, जोश यांचा अनुभव घ्याल. आजचा दिवस आपल्या मनाप्रमाणे व्यतीत कराल. आज नशिबाची देखील उत्तम साथ लाभेल.

मिथुन
आज काही कौटुंबिक जबाबदाऱ्या आपणावर येऊन पडतील. त्या तितक्याच चोखपणे पार पाडण्याचा प्रयत्न करा. आजचा दिवस शांततेत, प्रसन्नतेने पार करण्याकडे लक्ष असू द्या.

कर्क
आजच्या दिवशी सौख्याची, लाभाची, आनंदाची प्राप्ती होईल. सर्व काही आपल्या मनाप्रमाणे घडेल. त्यामुळे सुखावून जाल. प्रियजनांच्या गाठीभेटी घडतील.

सिंह
आपल्या मेहनती व कष्टाळू स्वभावाला अनुसरून आजच्या दिवशी केवळ आपले काम पूर्ण करण्याकडे लक्ष राहील. सर्व महत्त्वाची कामे आज निष्ठेने व प्रामाणिकपणे पूर्ण कराल. वरिष्ठांची मर्जी संपादन कराल.

कन्या
आज आपणास अपेक्षित आनंदाची, यशाची, भाग्याची प्राप्ती होईल. नशिबाची साथ आज आपणास मिळेल. आध्यात्मिकतेचा अनुभव आज घ्याल.

तुळ
आज आपली इच्छाशक्ती मानसिक व भावनिक दृष्ट्या कमकुवत होणार नाही याकडे लक्ष द्या. आजचा दिवस कुटुंबीयांसमवेत आनंदात, उत्साहात व्यतीत कराल.

वृश्चिक
आजचा दिवस जोडीदारासमवेत अत्यंत उत्साहात, प्रसन्न वातावरणात साजरा कराल. सुखी दांपत्य जीवनाचा आज अनुभव घ्याल. उभयतांमधील प्रेम आज वृद्धिंगत होईल.

धनु
आपल्या नोकरीच्या ठिकाणी असलेल्या वातावरणात आज सकारात्मक बदल होईल. आपल्या खाण्यापिण्यावर नियंत्रण आज आवश्यक राहील.

मकर
आज आपल्या कार्यक्षेत्रात समरस होऊन कार्य कराल. आजच्या दिवशी अध्यात्मिक आनंदाची देखील प्राप्ती कराल. संततीसौख्य देखील उत्तम लाभेल.

कुंभ
आज उत्तम गृहसौख्याची प्राप्ती कराल. आईचे भरभरून प्रेम व आशीर्वाद मिळतील. कुटुंबीयांसमवेत आजचा दिवस उत्साहात आनंदात पार पाडाल.

मीन
आज आपल्या कार्यात नाविन्यता व तत्परता दाखवत काही महत्वपूर्ण व धाडसी निर्णय घ्याल. भावंडांचे सौख्य आज लाभेल. कुटुंबीय, शेजारी, मित्रपरिवार यांच्यासमवेत आजचा दिवस उत्साहात साजरा कराल.