शुक्रवार, २५ मार्च २०२२

{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज आपल्या कर्तुत्वाला वेगळीच झळाळी प्राप्त होईल. आज भाग्याची देखील उत्तम साथ लाभेल. आज काही धार्मिक, आध्यात्मिक कार्यात सहभागी व्हाल.

वृषभ
आज काही गोष्टी जरी आपल्या इच्छेनुसार घडल्या नाहीत, तरी फारसे मनावर घेवू नका. उद्याचा दिवस हा आपलाच आहे. कुटुंबीयांना प्राधान्य देऊन आजचा हा सुंदर दिवस व्यतीत कराल.

मिथुन
आज जोडीदाराला एखादी भेट वस्तू द्याल. जोडीदारासाठी काही खरेदी देखील कराल. जोडीदाराचेही भरभरून प्रेम व सहकार्य लाभेल. आपल्या व्यवसायातही काही आनंददायक अनुभव येतील.

कर्क
आज आपला उत्साह, ऊर्जा काहीशी नियंत्रणात ठेवावी. विनाकारण दगदग धावपळ करू नये. शांत चित्ताने आजचा दिवस व्यतीत करावा. प्रकृतीकडेही लक्ष द्यावे.

सिंह
आजचा दिवस उत्साहवर्धक असेल. आज काही नाविन्यपूर्ण गोष्टी करण्याकडे कल राहील. आज आपल्या काही आवडीनिवडी, छंद जोपासण्यासाठी वेळ काढाल. संतती सोबत दिवस मजेत जाईल.

कन्या
आज गृहसौख्यचा आनंद घ्याल. घरातील वडीलधाऱ्या मंडळींचे आशीर्वाद प्राप्त कराल. वाहन, वास्तू खरेदी संभवते. परिवाराचे सहकार्य लाभेल.

तुळ
आज आपल्या शौर्याने, धाडसाने काही महत्वपूर्ण निर्णय घ्याल. आज भावंडांचे सौख्य लाभेल. त्यांच्या समवेत काही प्रवास योग संभवतात.

वृश्चिक
आज कुटुंबियांचे उत्तम सहकार्य मिळेल. कौटुंबिक वातावरण आनंदी, प्रसन्न राहिलं. कुटुंबीयांसमवेत सुग्रास भोजनाचा आस्वाद घ्याल.

धनु
आजचा आपला दिवस उत्साहाने, नविन्याने भरलेला असेल. आज आपला कार्यभाग साधाल. आज स्वतःसाठी वेळ काढाल. काही महत्वाची कामे हातावेगळी कराल.

मकर
आजचा काही गृह उपयोगी वस्तूंची खरेदी संभवते. परिवारातील सदस्यांसमवेत कुठे बाहेर फिरायला जाण्याचे बेत आखाल.

कुंभ
आज अनेक इच्छांची, लाभाची , आनंदाची प्राप्ती होईल. काही महत्वाकांक्षा पूर्ण कराल. मित्र परिवाराचे सहकार्य लाभेल. काही प्रिय व्यक्तींबरोबर वेळ व्यतीत कराल.

मीन
आजचा आपला दिवस कर्म प्रधान असेल. आज कामाचे योग्य नियोजन करून त्यानुसार कृती कराल. आज हाती घेतलेले काम पूर्णत्वास नेण्यासाठी प्रयत्नशील राहाल.