{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

*मेष*
आज भाग्याची, नशिबाची साथ मिळेल. काही दूरचे प्रवास देखील संभवतात. अनोळखी व्यक्तींच्या गाठीभेटी होतील. मात्र प्रवासात योग्य ती काळजी घ्यावी. कोणावरही जास्त विश्वास ठेवू नये.

*वृषभ*
आज ध्यानीमनी नसताना काही त्रासदायक, कष्टदायक गोष्टी घडतील. त्यामुळे काहीसे मानसिक अस्थैर्य जाणवेल. आर्थिक नुकसान देखील संभवते. त्यामुळे मनाचा तोल ढळणार नाही याची काळजी घ्यावी.

*मिथुन*
आजच्या दिवशी वैवाहिक जोडीदाराशी कोणतेही मतभेद, वादविवाद होणार नाहीत याची काळजी घ्या. आज उभयतांमध्ये सामंजस्य असणे खूप आवश्यक राहीलं. उगाच चिडचिड करू नका.

*कर्क*
आज काहीसे मानसिक व प्रकृती अस्वास्थ्य जाणवेल. नैराश्य, उदासीनता यांनी युक्त दिवस जाऊ शकतो. काही अनावश्यक खर्च देखील संभवतात. आज मन शांत ठेवून केवळ आपल्या नित्य कर्मावर लक्ष केंद्रित करा.

*सिंह*
आज आपल्या मुलाबाळांकडे अधिक लक्ष द्यावे लागू शकते. मुलांच्या काही समस्या, चिंता सतावतील. मुलांशी योग्य संवाद साधणे व त्यांना वेळ देणे आवश्यक राहीलं.

*कन्या*
आज गृहसौख्याचा लाभ घ्याल. मात्र घरात काही मनाविरुद्ध, अप्रिय घटना घडणार नाही याची काळजी घ्या. कुटुंबीयांसमवेत आज शांततेने, प्रेमाने व धीराने कोणताही प्रसंग हाताळण्याची आवश्यकता राहील.

*तुळ*
आज कोणताही महत्वपूर्ण निर्णय घेताना व कोणतेही धाडसी पाऊल उचलताना त्यावर सर्वांगीण विचार करणे आवश्यक राहीलं. अन्यथा नंतर पश्चातापाची वेळ येऊ शकते.

*वृश्चिक*
आज कुटुंबियातील सदस्यांसमवेत आनंदाने दिवस व्यतीत कराल. कुटुंबीयांची मर्जी मोडू नका. त्यांच्या मताचा निर्णयाचा आदर करा. कोणतीही मोठी गुंतवणूक विचारपूर्वक करा.

*धनु*
बऱ्याच दिवसांच्या प्रतीक्षेनंतर आजचा सुंदर दिवस आलेला आहे. परंतु आपले मन शांत, स्थिर व डोके थंड ठेवणे आवश्यक राहील. आजचा दिवस आपल्या मर्जीने, इच्छेने आनंदात व्यतीत कराल.

*मकर*
आजच्या दिवशी काही मनाविरुद्ध,अप्रिय घटना घडू शकतात. त्यामुळे मन काहीसे खट्टू होईल. विनाकारण नको तिथे अधिक खर्च होईल. आवक-जावक यांचा योग्य मेळ साधता येणार नाही. त्यामुळे काळजी घ्यावी.

*कुंभ*
आजच्या दिवशी काही इच्छित लाभप्राप्ती, सौख्यप्राप्ती होईल. आजच्या दिवशी आपला सहवास सर्वांना हवाहवासा वाटेल. मात्र कोणावरही अतिविश्वास ठेवू नये.

*मीन*
आजच्या दिवशी कामाचा अतिरिक्त तणाव जाणवेल. कामाची व्याप्ती जास्त व वेळ मात्र कमी अशी स्थिती निर्माण होईल. परंतु आपण प्रामाणिकपणे आपले कार्य पूर्ण करण्यास प्राधान्य द्याल.