राशिफल

बुधवार, २० नोव्हेंबर २०२४

{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज उत्तम गृहसौख्याची प्राप्ति होईल. घरातील काही महत्वपूर्ण कामे पूर्ण करण्यासाठी प्रयत्नशील राहाल. वाहन वास्तू सौख्याची प्राप्ति कराल.

वृषभ
आज आपल्या बुद्धीचातुर्याने काही महत्वपूर्ण निर्णय घेण्यात यशस्वी व्हाल. नोकरी व्यवसाया निमित्त काही प्रवास संभवतात. काही धाडसी, साहसी कामे आज पूर्ण कराल.

मिथुन
आज पारिवारिक सुखाचा आस्वाद घ्याल. काही सहलींचे कार्यक्रम बनवाल. स्वादिष्ट भोजनाचा लाभ होईल. घरातील वातावरण प्रसन्न असेल.

कर्क
आज दुपारनंतर बऱ्याच गोष्टी आपल्या मनाप्रमाणे घडतील. सर्व अडचणी,बाधा दूर होऊन लाभदायक दिवस जाईल. आनंद, उत्साह,नवीन ऊर्जा जाणवेल.

सिंह
अचानक काही अशांती, असमाधान जाणवेल. आपले म्हणणे लोकांना पटवून देण्यात असमर्थता वाटेल. काही भौतिक गोष्टींवर खर्च संभवतात. काही जोखमीच्या बाबी टाळाव्यात.

कन्या
इतक्या दिवसांपासून आपण घेत असलेल्या मेहनतीचे, कष्टांचे शुभ फळ आज प्राप्त होईल. विद्वान, जाणकार व्यक्तींचे मार्गदर्शन मिळेल. काही भेट, उपहार प्राप्त होतील.

तुळ
आज आपल्या कार्यक्षेत्रात काही नवीन कार्यप्रणालीचा अवलंब कराल. सामाजिक कार्यात सफलता मिळेल. मान सन्मान प्राप्त होतील. आपले काम चोख, प्रामाणिकपणे पार पाडाल.

वृश्चिक
आज भाग्याची, सौख्याची प्राप्ति कराल. काही प्रवासाचे योग संभवतात. काही धार्मिक, अध्यात्मिक कार्यात सहभागी व्हाल. गुरुजनांचे आशीर्वाद प्राप्त कराल.

धनु
आज काही चिंता, तणाव सतावतील. काही कामात विघ्न निर्माण होईल. वाईट संगतीपासून स्वतःला दूर ठेवा. अनावश्यक गोष्टींपासून वेळ वाया घालवू नका.

मकर
आज दांपत्य जीवनाचा आनंद घ्याल. जोडीदाराचे उत्तम सहकार्य लाभेल. आपणही जोडीदाराला भरभरून प्रेम द्याल. व्यापार व्यवसायात इच्छित लाभ होतील.

कुंभ
आज काहीसे प्रकृती अस्वास्थ्य जाणवेल. काही मानसिक अस्थिरता जाणवू शकते. प्रतिस्पर्धी, हितशत्रू यांचा त्रास संभवू शकतो. आज केवळ आपल्या नित्य कामावर लक्ष केंद्रित करावे.

मीन
आजचा दिवस उत्साहवर्धक असेल. काही नवीन संकल्पना,योजना प्रत्यक्षात आणण्यासाठी प्रयत्नशील राहाल. मुलांसमवेत वेळ आनंदात जाईल.