{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज उत्तम गृहसौख्याचा आनंद घ्याल. काही धार्मिक व सेवाभावी संस्थांना मदत कराल. ज्येष्ठांची सेवा करून त्यांचे आशीर्वाद प्राप्त कराल. यात कुटुंबीयांचेही सहकार्य मिळेल.

वृषभ
आज पराक्रमातून लाभ प्राप्तीचा आनंद घ्याल. आपल्यातील क्षमता, योग्यता, पात्रता यांचा योग्य वापर करून व आपल्या मूळ स्वभावाला अनुसरून आजच्या दिवसाचा योग्य वापर करून कार्यसिद्धी कराल.

मिथुन
आजचा दिवस हा कौटुंबिक सौख्याचा असेल. कुटुंबीयांच्या इच्छेप्रमाणे वर्तन कराल. काही महत्त्वाची कामे हातावेगळी करताना कुटुंबीयांचे मत विचारात घ्या.

कर्क
आजचा दिवस आपल्यासाठी नवीन ऊर्जा व अभूतपूर्व उत्साह यांनी भरलेला असेल. आपल्या बुद्धिमत्तेचा योग्य वापर करून आजचा दिवस आनंदात व्यतीत कराल.

सिंह
आजचा दिवस काहीसा तणावयुक्त असेल. काही चिंता आज सतावतील. त्यामुळे आज कोणतेही महत्त्वपूर्ण निर्णय घेणे टाळावेत. खर्चावर नियंत्रण ठेवावे.

कन्या
बऱ्याच दिवसांपासून करीत असलेले तपश्चर्या आज कामास येईल. आज लाभाची, आनंदाची प्राप्ती कराल. मात्र जे मिळालं ते योग्य पद्धतीने जपून ठेवा. आपला सहवास सर्वांना हवाहवासा वाटेल.

तुळ
आज आपले संपूर्ण लक्ष आपल्या कामावर केंद्रित राहील. बऱ्याच दिवसांपासून अडकलेले काही काम पूर्ण करण्यासाठी आज प्रयत्नशील राहाल.

वृश्चिक
आज भाग्याची, नशिबाची साथ आपणास मिळेल. गेल्या अनेक दिवसांपासून आपण घेत असलेल्या मेहनतीचे, परिश्रमाचे आज चीज होईल.

धनु
आजच्या दिवशी अनेक अडचणी व अडथळ्यांचा सामना करावा लागू शकतो. आरोग्याच्याही काही समस्या सतावतील. आज केवळ आपल्या नित्य कामावर लक्ष केंद्रित करावे.

मकर
आजच्या दिवशी उत्तम दांपत्य जीवनाचा अनुभव घ्याल. जोडीदाराचे भरभरून प्रेम व सहकार्य लाभेल. आपणही जोडीदाराला मनासारखा वेळ द्याल.

कुंभ
आजच्या दिवशी काही शारीरिक, मानसिक अस्थैर्य जाणवेल. आरोग्याच्या अनेक तक्रारी डोके वर काढतील. त्यांच्याकडे मुळेच दुर्लक्ष करून चालणार नाही.

मीन
आजचा दिवस उत्साहाचा, आनंदाचा असेल. आपल्यातील कलागुण, आवडीनिवडी, छंद यांना प्रोत्साहन मिळेल. काही नवीन कलाविष्कार सादर कराल.