राशिफल

बुधवार, १८ जून २०२५

*मेष*
आजचा आपला दिवस लाभ प्राप्तीचा आहे. बऱ्याच दिवसांपासून अपूर्ण राहिलेल्या काही इच्छांची पूर्तता आज संभवते. आपण घेत असलेल्या मेहनतीचे, प्रयत्नांचे फलित आज आपणास मिळेल.

*वृषभ*
आजचा आपला दिवस कर्मप्रधान असेल. हाती घेतलेले काम पूर्णत्वास नेण्यासाठी चिकाटीने प्रयत्न कराल.

*मिथुन*
आजचा दिवस आपणासाठी उत्तम असेल. भाग्याची, नशिबाची साथ आज लाभेल. काही प्रवास संभवतात. काही अनोळखी व्यक्तींच्या
गाठीभेटी संभवतात.

*कर्क*
आजचा दिवस काहीसा कष्टप्रद जाऊ शकतो. आज कोणत्याही प्रलोभनांना बळी पडू नका. केवळ आपले काम भले आणि आपण भले अशी भूमिका ठेवावी.

*सिंह*
आज उत्तम सहजीवनाचा आस्वाद घ्याल. जोडीदाराची उत्तम साथ व सहकार्य लाभेल. व्यापार-व्यवसायात काही नवीन संधी निर्माण होतील.

*कन्या*
आज काहीसे अनारोग्य जाणवू शकते. त्यामुळे शारीरिक तसेच मानसिक अस्थिरता जाणवेल. कामाच्या व्यापामुळे दगदग संभवते.

*तुळ*
आज आपल्यातील सुप्त कलागुणांना वाव द्याल. काही मनोरंजनात्मक गोष्टी करण्यात वेळ जाईल. काही महत्त्वाची कामे हातावेगळी कराल.

*वृश्चिक*
आज घरातील कामातच संपूर्ण दिवस व्यतीत होईल. मात्र काही महत्वपूर्ण कामे देखील हातावेगळी कराल. घरच्यांचे देखील उत्तम सहकार्य लाभेल.

*धनु*
आज व्यवसायवृद्धीचा विचार करून व्यापार-व्यवसायात काही धाडसी निर्णय घ्याल. त्यात ज्येष्ठ व्यक्तींचे मार्गदर्शन अवश्य घ्या. भावंडांचे सहकार्य लाभेल.

*मकर*
आज कुटुंबीयांसमवेत जास्तीत जास्त वेळ व्यतीत कराल. काही मह्त्वपूर्ण निर्णय घेतांना कुटुंबीयांच्या मताचा अवश्य विचार करा.

*कुंभ*
आजचा दिवस आपलाच आहे. आजचा दिवस उत्साह, आनंद, प्रसन्नता यांनी परिपूर्ण असेल. आजच्या दिवसाचा सदुपयोग करीत आपल्या मनातील इच्छांची पूर्तता कराल.

*मीन*
आज काहीसे नैराश्य, उदासीनता जाणवू शकते. शारीरिक, मानसिक अस्थिरता जाणवेल. त्यामुळे आज कोणतेही काम शांत चित्ताने व विचारपूर्वक करावे.