{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

*मेष*
आज भाग्याची, सौख्याची अनुभूती घ्याल. काही प्रवास देखील संभवतात. काही गुरुतुल्य व्यक्तींचा सहवास लाभेल. आजच्या दिवसाचा सदुपयोग करा.

*वृषभ*
आज काही अडचणी, अडथळ्यांचा सामना करावा लागू शकतो. काहीशी द्विधा मनस्थिती राहिलं. कोणत्याही प्रलोभनांना, आमिषांना बळी पडू नका.

*मिथुन*
व्यापारी, व्यवसायिक मंडळींसाठी नवनविन संधी निर्माण होतील. वैवाहिक आयुष्यात गैरसमज होणार नाहीत याची काळजी घ्या. जोडीदाराला वेळ द्या.

*कर्क*
आजचा दिवस काहीसा खडतर जाऊ शकतो. आरोग्याच्या काही कुरबुरी सतावतील. काही मनस्ताप होऊ शकतो. विनाकारण नको त्या गोष्टीत वेळ वाया घालवू नका.

*सिंह*
आजचा दिवस उत्साह, नव चैतन्याचा अनुभव घ्याल. आज आपल्या प्रिय व्यक्तीसह आनंदाने, प्रेमाने दिवस व्यतित कराल. आपल्या काही आवडी निवडी आज जपाल.

*कन्या*
आजचा दिवस घरच्यांसोबत आनंदात, सुखात व्यतीत कराल. माहेरच्या मंडळींच्या गाठीभेटी संभवतात. घरातील ज्येष्ठांची काळजी घ्याल व त्यांचे आशीर्वादही प्राप्त कराल.

*तुळ*
आज कामानिमित्त काही प्रवासाचे योग संभवतात. आज काही धाडसी महत्वपूर्ण निर्णय घ्याल. शेजार पाजाऱ्यांशी सलोख्याचे संबंध राहतील.

*वृश्चिक*
आज काही आर्थिक व्यवहार पूर्ण करण्याचा प्रयत्न कराल. आपल्या बुद्धी चातुर्याने व बोलक्या स्वभावाने यशाची प्राप्ति कराल. आज कुटुंबियांनाही वेळ द्याल.

*धनु*
आजचा दिवस आपल्यासाठी उत्तम असेल. नावीन्यपूर्ण उत्साह, उमेद, ऊर्जा यांचा अनुभव घ्याल. आजच्या दिवसाचे योग्य नियोजन आवश्यक असेल.

*मकर*
आजचा दिवस काहीसा तणावयुक्त जाऊ शकतो. त्यामुळे मन व चित्त काहीसे विचलित होऊ शकते. काही खर्च उद्भवतील. शांत चित्ताने आजचा दिवस व्यतीत कराल.

*कुंभ*
बऱ्याच दिवसांपासून मनात असलेल्या काही इच्छांची पूर्तता आज होईल. त्यामुळे सुखावून जाल. आपला सहवास सर्वांना हवाहवासा वाटेल.

*मीन*
आज आपण आपल्या कामाला जास्त प्राधान्य द्याल. कामे पूर्ण करण्याकडे कल राहिलं. वरिष्ठांशी काही मतभेद होऊ शकतात. सहकाऱ्यांसमवेत सामंजस्याने वर्तन करा.