बुधवार, दि. १४ सप्टेंबर २०२२

{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज बऱ्याच दिवसानंतर काही घटना आपल्या इच्छेनुसार घडतील. काही इच्छा, अपेक्षांची पूर्ती आज संभवते. आपल्या सुखात, आनंदात इतरांनाही सामावून घ्याल.

वृषभ
आजचा आपला दिवस काहीसा चिंतायुक्त, मनस्तापदर्शक असेल. मानसिक अस्थिरता, अस्वस्थता जाणवेल. खर्चात अनपेक्षितपणे वाढ होईल. वाहने जपून चालवावीत.

मिथुन
बऱ्याच दिवसांच्या मेहनतीनंतर आजच्या दिवशी अपेक्षित लाभप्राप्ती, इच्छापूर्ती साध्य होईल. त्यामुळे सुखावून जाल. आपल्या आनंदात इतरांना सहभागी करून आनंद द्विगुणित कराल.

कर्क
आज काही शारीरिक, मानसिक अस्थैर्य जाणवेल. नको त्या गोष्टींमध्ये हस्तक्षेप करणे प्रकर्षाने टाळा. कोणावरही विसंबून न राहता आपली कामे आपणच करण्याचा प्रयत्न करा.

सिंह
आजचा आपला दिवस सुखमय, आनंदमय, भाग्यमय असेल. आज नशिबाची व भाग्याची साथ मिळेल. नोकरीनिमित्त काही नवीन लोकांच्या गाठीभेटी होतील. आजच्या दिवसाचा सदुपयोग करून घ्या.

कन्या
आज काही अडीअडचणींचा. संकटांचा सामना करावा लागू शकतो. आपल्या मेहनतीला, प्रयत्नांना अपेक्षित यश आज प्राप्त होणार नाही. शांत चित्त व संयमाने केवळ आपल्या नित्य कर्मावर लक्ष ठेवून आजचा दिवस व्यतीत करावा.

तुळ
आज दांपत्य जीवनाचा आनंद घ्याल. जोडीदाराचे उत्तम सहकार्य लाभेल. आपणही जोडीदाराला भरभरून प्रेम द्याल. व्यापार व्यवसायात इच्छित लाभ होतील.

वृश्चिक
आजचा दिवस कुटुंबीयांमध्ये रममाण होण्याचा आहे. त्यांच्या आनंदात आज आपले सुख शोधण्याचा प्रयत्न करा. त्यांच्या इच्छा, आकांक्षांचा आदर करा.

धनु
आजचा संपूर्ण दिवस उत्साहाने, आनंदाने भरलेला असेल. आज स्वतःच्या आवडीनिवडी, छंद जोपासाल. संततीसोबतही आनंदात वेळ व्यतीत कराल.

मकर
आजचा दिवस आपणासाठी काहीसा कष्टप्रद जाऊ शकतो. काही वितंडवादाचे प्रसंग घडू शकतात. त्यामुळे असे प्रसंग टाळण्याचा प्रयत्न करा. महत्त्वाची कामे आज टाळावीत.

कुंभ
आजचा दिवस कर्तृत्व, पराक्रम गाजविण्याचा दिवस आहे. आज अधिक मेहनत घेऊन आपली कामे पूर्ण करण्याकडे कल असेल. काही महत्त्वाचे व धाडसी निर्णय घ्याल.

मीन
आजचा दिवस कष्ट, मेहनत परिश्रमाचा असेल. कामाच्या व्यापामुळे काहीशी धावपळ, दगदग होईल. मात्र संघर्षातूनच यशाचा मार्ग सापडेल. त्यामुळे चिंता करू नका.