{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आजच्या दिवशी अती उत्साहात कामे पूर्ण करतांना आरोग्याकडे दुर्लक्ष करून चालणार नाही. पाळीव प्राण्यांपासून देखील सावध राहावे.

वृषभ
आजच्या दिवशी अधिक मेहनत व परिश्रम घ्यावे लागतील. मात्र आपण उत्साहाने आपली सर्व कामे, कर्तव्ये पार पाडाल. कर्तव्यपूर्तीचा आनंद घ्याल.

मिथुन
आज पारिवारिक सौख्य लाभेल. आज गृहसजावटीच्या काही वस्तूंची खरेदी संभवते. मालमत्तेसंबंधित काही व्यवहार आज पूर्ण कराल.

कर्क
आज काहीतरी नवीन करून दाखविण्याची इच्छा निर्माण होईल. मात्र त्यावर योग्य नियोजन व त्यानुसार कृती करणे महत्त्वाचे असेल. काही प्रवासाचे योग संभवतात.

सिंह
आज पारिवारिक सौख्याचा आनंद घ्याल. मात्र आपल्या खाण्यापिण्यावर नियंत्रण आजच्या दिवशी गरजेचे राहील तसेच आपल्या बोलण्याने इतरांची मने दुखावली जाणार नाहीत ना याचीही काळजी घ्यावी.

कन्या
आज नाविन्यपूर्ण उत्साह, आनंद यांचा अनुभव घ्याल. एक नवीन उमेद, आशा, आकांक्षा आज निर्माण होतील व त्या पूर्ण करण्यासाठी जिद्दीने प्रयत्न कराल.

तुळ
आजचा दिवस काहीसा असमाधानकारक जाऊ शकतो. विनाकारण मरगळ आल्यासारखे वाटेल. निराशा, उदासीनता जाणवेल. त्यामुळे आपला जास्तीत जास्त वेळ मनन, चिंतन करण्यात व्यतीत करावा.

वृश्चिक
बरेच दिवसांपासून आपण घेत असलेल्या मेहनतीची, परिश्रमाची शुभ फलिते आज आपणास प्राप्त होतील. व्यापार – व्यवसायात काही नवीन संधी प्राप्त होतील. आजच्या दिवसाचा योग्य उपयोग करा.

धनु
आजच्या दिवशी शांतचित्ताने केवळ हाती घेतलेले काम पूर्ण करण्याकडे लक्ष असू द्या. आपल्या कामापासून लक्ष विचलित होणार नाही याची काळजी घ्या. नोकरदार मंडळींना कामाचा काहीसा तणाव जाणवेल.

मकर
आजचा दिवस आध्यात्मिक प्रगतीसाठी उत्तम असेल. काही धार्मिक कार्यात दानधर्म कराल. विद्वान, गुरुतुल्य व्यक्तींचे मार्गदर्शन व आशीर्वाद प्राप्त कराल. आजच्या दिवसाचा सदुपयोग करा.

कुंभ
आजच्या दिवशी काही गोष्टी मनाविरुद्ध घडू शकतात. त्यामुळे मनस्वास्थ्य असमाधानकारक राहील. मनाविरुद्ध गोष्टी घडल्याने चिडचिड, त्रागा संभवतो.

मीन
आज दाम्पत्य जीवनात समाधान लाभेल. दोघांमधील संबंध सलोख्याचे, सौख्याचे ठेवण्यासाठी स्वतःहून पुढाकार घ्यावा. सौख्याची प्राप्ती संभवते