राशिफल

शुक्रवार, १३ सप्टेंबर २०२४

{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आजचा दिवस आपणासाठी उत्साहाचा, आनंदाचा असेल. गुरुतुल्य व्यक्तींचा सहवास लाभेल. त्यांचे आशीर्वाद प्राप्त होतील. काही प्रवास संभवतात.

वृषभ
आजचा दिवस काहीसा मनस्तापाचा असेल. काही मनाविरुद्ध गोष्टी घडण्याची शक्यता आहे. त्यामुळे चिडचिड, दगदग संभवते.

मिथुन
आजच्या दिवशी व्यवसाय वृद्धीसाठी काही खर्च संभवतात. सर्वांना सोबत घेऊन चालण्याचा प्रयत्न कराल. जोडीदाराचे उत्तम सहकार्य लाभेल.

कर्क
आज काहीसे प्रकृती अस्वास्थ्य जाणवेल. त्यामुळे काही ठरवलेली कामे करण्यात अडसर येऊ शकतो. यामुळे काहीसे मानसिक दडपण येईल. मन शांत ठेवण्याचा प्रयत्न करा.

सिंह
आज आपले छंद, आवडी निवडी जोपासण्यासाठी प्रयत्नशील राहाल. आज आपल्या मुलांना जास्त वेळ द्याल. त्यांच्यासोबत वेळ मजेत,आनंदात व्यतित कराल.

कन्या
आज घरात कुटुंबीयांसमवेत आनंदात वेळ घालवाल. त्यांच्या सहकार्याने आज घरातील काही महत्त्वाची कामे पूर्णत्वास न्याल.

तुळ
आज भावंडांशी काही मतभेद होणार नाही याची काळजी घ्या. काही महत्त्वाचे निर्णय घेताना पुनश्च एकदा विचार अवश्य करा.

वृश्चिक
आज कुटुंबीयांचे उत्तम सहकार्य प्राप्त होईल. काही महत्वपूर्ण आर्थिक व्यवहार आज पूर्ण कराल. त्यात घरातील सदस्यांचे मत विचारात घ्या.

धनु
आजचा दिवस आपलाच आहे. बऱ्याच दिवसांपासून मनात असलेली कामे आज पूर्ण कराल. आजच्या सुंदर दिवसाचा आवश्य लाभ करून घ्या.

मकर
आज काही मनस्तापदर्शक प्रसंग घडू शकतात. पण आपला तोल ढळू देऊ नका. मन शांत ठेवण्याचा प्रयत्न करा. संततीवर खर्च संभवतात.

कुंभ
आजचा दिवस लाभ प्राप्तीचा असेल. मित्र मंडळींमध्ये रममाण व्हाल. आज आपल्यातील कलागुणांना योग्य वाव मिळेल.

मीन
आज कर्तव्यपूर्ती करताना काही धाडसी निर्णय घ्याल. वरिष्ठांची मर्जी संपादन कराल. आपल्या कामातच आज आनंद शोधण्याचा प्रयत्न कराल.