राशिफल

बुधवार, ११ सप्टेंबर २०२४

{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आजचा दिवस काहीसा त्रासदायक, कष्टदायक जाऊ शकतो. काही मनाविरुद्ध गोष्टी घडल्याने चिडचिड संभवते. विनाकारण वाद-विवाद, कटकटी यासारखे प्रसंग टाळा.

वृषभ
आज उत्तम दांपत्य सौख्याची प्राप्ती कराल. आज जोडीदाराचे भरभरून प्रेम व सहकार्य लाभेल. दोघांमधील प्रेम आज वृद्धिंगत होईल. त्यामुळे प्रसन्न, आनंदी राहाल.

मिथुन
आज आरोग्याच्या काही कुरबुरी जाणवतील. नकारात्मकता, नैराश्य जाणवेल. आजच्या दिवशी अनावश्यक गोष्टींमध्ये लक्ष घालू नका. आपले काम भले आणि आपण भले ही भूमिका ठेवणे योग्य राहील.

कर्क
आजच्या दिवशी उत्तम संततीसौख्याची प्राप्ती कराल. आज दिवसभर नवीन उत्साह व नवी उमेद यांचा अनुभव घ्याल. आपल्या काही सुप्त कलागुणांसाठी आज वेळ काढाल.

सिंह
आजच्या दिवशी उत्तम गृह सौख्य लाभेल.घरात चैतन्याचे, आनंदाचे, समाधानाचे वातावरण राहीलं. घरातील ज्येष्ठ मंडळींची सेवा, सुश्रुषा कराल. माहेरच्या मंडळींचा सहवास लाभू शकतो.

कन्या
आज काही महत्वाच्या कामांसाठी वेळ काढाल. कुठेतरी बाहेर फिरायला जाण्याचे नियोजन देखील कराल.आज आपल्या उपजत कलेच्या माध्यमातून अर्थार्जनही कराल.

तुळ
आज आपल्या वाक्चातुर्याने सर्वांची मने जिंकून घ्याल.तसेच इच्छित कार्यसिद्धी देखील कराल. आज काही धनप्राप्तीचे योग देखील संभवतात.

वृश्चिक
आजचा दिवस आनंदात, उत्साहात,मजेत व्यतीत कराल.काही नवीन कामे हाती घ्याल. त्यासाठी उत्साहाने नियोजन व आखणी कराल. आज स्वत:साठी वेळ काढाल.

धनु
आज काही अनपेक्षित,अवास्तव खर्च निर्माण होतील. खर्चावर नियंत्रण ठेवणे आवश्यक राहिलं.आज हिशोबी वृत्तीने वागणे श्रेयस्कर ठरेल.नको त्या गोष्टीत वेळ वाया घालवू नये.

मकर
आजचा दिवस आनंदाचा,प्रसन्न व उत्साहवर्धक असेल. तो तितक्याच उत्साहाने मजेत व्यतीत करा.मित्र मैत्रिणींच्या गाठीभेटी होतील.त्यांच्या सहवासाने सुखावून जाल.

कुंभ
आजचा संपूर्ण दिवस कार्यमग्न राहाल. कामाचा व्याप आज संपतो,की नाही असे वाटेल. मात्र कामातूनच आर्थिक लाभ देखील संभवतात. त्यामुळे प्रसन्न चित्ताने व निष्ठेने आपले कर्तव्य पार पाडा.

मीन
आजचा आपला दिवस हा यश, कीर्ती, मानसन्मान, प्रसिद्धी, नावलौकिक यांची प्राप्ती करण्याचा असेल. त्यामुळे आजच्या दिवसाचे योग्य नियोजन करून त्यानुसार कृती करणे आवश्यक राहील.