बुधवार, १० ऑगस्ट २०२२*

{आज ज्यांचे वाढदिवस व लग्नाचे वाढदिवस असतील त्यांना खूप खूप शुभेच्छा व आशीर्वाद }

*मेष*
आजचा आपला दिवस उत्तम आनंदप्राप्ती व फलप्राप्तीचा असेल. काही सन्माननीय वंदनीय व्यक्तींचा सहवास आज आपणास लाभू शकतो. काही धार्मिक अथवा शैक्षणिक संस्थेत दानधर्म कराल.

*वृषभ*
आजच्या दिवशी काही शारीरिक, मानसिक अस्थिरता जाणवेल. कोणत्याही प्रलोभनांना, आमिषांना बळी पडू नका. आपले संपूर्ण लक्ष हे आपल्या रोजच्या कामावर केंद्रित ठेवा. विनाकारण लक्ष विचलित होऊ देऊ नका.

*मिथुन*
आजच्या दिवशी आपणास जोडीदाराचे उत्तम सहकार्य लाभेल. आज कोणतेही महत्त्वाचे निर्णय घेताना जोडीदाराचे मत विचारात घ्या. आज जोडीदारासह कुटुंबीयांनाही वेळ द्याल.

*कर्क*
आजच्या दिवशी आरोग्याच्या काही तक्रारी जाणवू शकतील. तब्येतीकडे मुळीच दुर्लक्ष करून चालणार नाही. काही स्पर्धक हितशत्रू डोके वर काढतील. आजच्या दिवशी कोणावर ही अति विश्वास ठेवू नये.

*सिंह*
आजच्या दिवशी आपणास उत्तम संतती सौख्याची प्राप्ति होईल. मुलांसमवेत आजचा दिवस आनंदात मजेत व्यतीत कराल. विद्यार्थ्यांनी देखील आजच्या दिवसाचा सदुपयोग करीत अभ्यासावर लक्ष केंद्रित करावे.

*कन्या*
आजच्या दिवशी आपणास उत्तम गृहसौख्य वाहन वास्तू सौख्य लाभेल. बऱ्याच दिवसांपासून अडकलेली रेंगाळलेली रखडलेली कामे पूर्ण करण्यासाठी आजच्या दिवशी प्रयत्न कराल. आज कुटुंबीयांसमवेतच रममाण व्हाल.

*तुळ*
आजच्या दिवशी आपली बुद्धिमत्ता व आपले कौशल्य यांना परिश्रमाची पराक्रमाची जोड देऊन आपले ध्येय साध्य कराल. आजच्या दिवशी आपल्यातील लेखन कौशल्याला देखील उत्तम वाव मिळू शकतो. भावंडांचे सौख्य देखील लाभेल.

*वृश्चिक*
आजच्या दिवशी उत्तम कौटुंबिक सौख्याचा आनंद घ्याल. परिवारातील सदस्यांसमवेत आजचा दिवस अगदी मजेत जाईल. आपल्या नेतृत्वगुणी स्वभावाने आज सर्वांना हवेहवेसे वाटेल. पाहुण्यांची रेलचेल संभवते.

*धनु*
आजच्या सुंदर दिवसाचा योग्य नियोजन करून यथार्थ उपयोग करून घ्या. आपली बुद्धिमत्ता व उत्साह यांच्या जोरावर आज कोणतेही काम सहज पूर्ण कराल आज योग्य कर्तृत्व गाजवून नावलौकिक मिळवाल.

*मकर*
आपली कल्पकता, बुद्धिमत्ता यांचा आजच्या दिवशी म्हणावा तितका उपयोग होणार नाही. आज खर्चाचा योग्य ताळमेळ साधावा लागेल. कारण काही अनपेक्षित खर्च आज उभे ठाकतील.

*कुंभ*
आजचा आपला दिवस हा लाभप्राप्ती व इच्छापूर्तीचा असणार आहे. नोकरदार मंडळींना आज अनपेक्षितपणे भाग्यप्राप्ती, लाभप्राप्तीचे योग संभवतात. आज आपला सहवास सर्वांना हवाहवासा वाटेल.

*मीन*
आजचा आपला दिवस हा कर्म प्रधान असेल. आज आपल्या कर्तव्याला प्राधान्य देऊन आपले काम प्रामाणिकपणे पूर्ण करण्यासाठी प्रयत्नशील राहाल. आजच्या दिवशी प्रतिष्ठा मानसन्मान प्रसिद्धी प्राप्त करण्याचे योग संभवतात.