{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज आपले छंद, आवडी निवडी जोपासण्यासाठी प्रयत्नशील राहाल. आज आपल्या मुलांना जास्त वेळ द्याल. त्यांच्यासोबत वेळ मजेत,आनंदात व्यतित कराल.

वृषभ
आज घरात कुटुंबीयांसमवेत आनंदात वेळ घालवाल. त्यांच्या सहकार्याने आज घरातील काही महत्त्वाची कामे पूर्णत्वास न्याल.

मिथुन
आज भावंडांशी काही मतभेद होणार नाही याची काळजी घ्या. काही महत्त्वाचे निर्णय घेताना पुनश्च एकदा विचार अवश्य करा.

कर्क
आज कुटुंबीयांचे उत्तम सहकार्य प्राप्त होईल. काही महत्वपूर्ण आर्थिक व्यवहार आज पूर्ण कराल. त्यात घरातील सदस्यांचे मत विचारात घ्या.

सिंह
आजचा दिवस आपलाच आहे. बऱ्याच दिवसांपासून मनात असलेली कामे आज पूर्ण कराल. आजच्या सुंदर दिवसाचा आवश्य लाभ करून घ्या.

कन्या
आज काही मनस्तापदर्शक प्रसंग घडू शकतात. पण आपला तोल ढळू देऊ नका. मन शांत ठेवण्याचा प्रयत्न करा. संततीवर खर्च संभवतात.

तुळ
आजचा दिवस लाभ प्राप्तीचा असेल. मित्र मंडळींमध्ये रममाण व्हाल. आज आपल्यातील कलागुणांना योग्य वाव मिळेल.

वृश्चिक
आज कर्तव्यपूर्ती करताना काही धाडसी निर्णय घ्याल. वरिष्ठांची मर्जी संपादन कराल. आपल्या कामातच आज आनंद शोधण्याचा प्रयत्न कराल.

धनु
आजचा दिवस आपणासाठी उत्साहाचा, आनंदाचा असेल. गुरुतुल्य व्यक्तींचा सहवास लाभेल. त्यांचे आशीर्वाद प्राप्त होतील. काही प्रवास संभवतात.

मकर
आजचा दिवस काहीसा मनस्तापाचा असेल. काही मनाविरुद्ध गोष्टी घडण्याची शक्यता आहे. त्यामुळे चिडचिड, दगदग संभवते.

कुंभ
आजच्या दिवशी व्यवसाय वृद्धीसाठी काही खर्च संभवतात. सर्वांना सोबत घेऊन चालण्याचा प्रयत्न कराल. जोडीदाराचे उत्तम सहकार्य लाभेल.

मीन
आज काहीसे प्रकृती अस्वास्थ्य जाणवेल. त्यामुळे काही ठरवलेली कामे करण्यात अडसर येऊ शकतो. यामुळे काहीसे मानसिक दडपण येईल. मन शांत ठेवण्याचा प्रयत्न करा.