राशिफल

गुरूवार, ०३ जुलै २०२५

*मेष*
आजच्या दिवशी काहीसे शारीरिक, मानसिक अस्वास्थ्य जाणवेल. आरोग्याच्या छोट्यामोठ्या तक्रारी सतावतील. आज उधार, उसनवारी टाळावी. काही हितशत्रू, स्पर्धक त्रास देण्याचा प्रयत्न करू शकतात.

*वृषभ*
आज आपल्या कार्यक्षेत्रात काही नवीन संधी निर्माण होतील. त्यांचा अवश्य लाभ करून घ्या. कला क्षेत्रातील मंडळींना आजचा दिवस उत्तम असेल. आज काही प्रिय व्यक्तींच्या गाठीभेटी झाल्याने सुखावून जाल.

*मिथुन*
आजच्या दिवशी उत्तम गृहसौख्याची, समाधानाची, आनंदाची प्राप्ती कराल. आपल्या कुटुंब, परिवारात काही सुवार्ता येऊ शकतात. परिवार, कुटुंबाप्रती आपले कर्तव्य आज चोख बजावाल. ज्येष्ठांचे आशीर्वाद देखील प्राप्त कराल.

*कर्क*
आजच्या दिवशी काही नवे संकल्प व नियोजन उत्साहात करून त्याप्रमाणे कार्यास प्रारंभ कराल. काही नवनवीन संकल्पना तसेच नव्या तंत्रज्ञानाचा उपयोग करून आपल्या व्यवसायामध्ये नवीन बदल घडवून आणाल.

*सिंह*
आजच्या दिवशी आपले कौटुंबिक वातावरण समाधानी, आनंदी, व उत्साहवर्धक असेल. कुटुंबियांसमवेत काही मनोरंजनात्मक कार्यामध्ये मग्न राहाल. आज काही महत्त्वाचे आर्थिक व्यवहार देखील पूर्ण कराल.

*कन्या*
आजचा दिवस आपणासाठी नाविन्यपूर्ण उत्साहाचा, नवचैतन्याचा, नवीन ऊर्जेचा व उमेदीचा असेल. आज आपल्या मेहनतीचे, कष्टाचे कौतुक होईल. आज स्वतःसाठी देखील वेळ काढाल.

*तुळ*
आजचा आपला दिवस काहीसा काळजी, चिंता, भीती यांनी युक्त असा जाऊ शकतो. मनावर विनाकारण कसलेतरी दडपण येईल. मात्र आपण व्यर्थ चिंता न करता केवळ आपल्या नित्य कामावर लक्ष केंद्रित करा.

*वृश्चिक*
आजच्या दिवशी उत्तम लाभप्राप्ती, इच्छाप्राप्ती, सौख्यप्राप्ती संभवते. बऱ्याच दिवसानंतर आज आपल्या मनाप्रमाणे गोष्टी घडतील. काही जुन्या मित्र-मैत्रिणींशी भेट झाल्याने आपल्या आनंदात भर पडेल.

*धनु*
आज आपल्या नोकरी व्यवसायाच्या ठिकाणी आपल्या वरील काही जबाबदाऱ्यांमध्ये वाढ होऊ शकते. अतिरिक्त काम करावे लागल्यामुळे काहीशी दगदग, धावपळ संभवते. मात्र आपल्या चांगल्या कामाची दखल वरिष्ठांकडून घेतली जाईल.

*मकर*
आजच्या दिवशी आपण काही धार्मिक, शैक्षणिक, सामाजिक कार्यात सक्रिय सहभागी राहाल. त्यामुळे कौतुकास प्रशंसेस पात्र ठराल. क्वचित प्रसंगी प्रवासाचे योग देखील संभवतात. आज थोरा मोठ्यांचे आशीर्वाद प्राप्त कराल.

*कुंभ*
आजचा दिवस आपल्यासाठी काहीसा प्रतिकूल असेल. त्यामुळे आज स्वतःला वाद-विवादांपासून अलिप्त ठेवण्याचा प्रयत्न करा. कोणत्याही परिस्थितीत आपले मनोधैर्य खचणार नाही याची काळजी घ्या.

*मीन*
आजच्या दिवशी उत्तम वैवाहिक सौख्याची प्राप्ती कराल. दाम्पत्य जीवनातील मधुरता, सौख्य, प्रेम वृद्धिंगत होईल. आपल्या आवडत्या कार्यक्षेत्रात आज काही नवीन संधी उपलब्ध होतील.