{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद

मेष
आपल्यातील बुद्धिचातुर्याने आज अनेक महत्त्वाची कामे हातावेगळी कराल. आपल्यातील उपजत कलेच्या माध्यमातून अर्थप्राप्ती संभवते. व्यवसायवृद्धीच्या दृष्टीनेही आज विचार कराल.

वृषभ
आजच्या दिवशी कुटुंबसुखाचा अनुभव घ्याल. कुटुंबीयांच्या इच्छेप्रमाणे वर्तन कराल. काही महत्त्वाची कामे हातावेगळी करताना कुटुंबियांचे मत विचारात घ्याल. आपल्या आवडीनिवडीतून आज धनार्जनाचे योगही संभवतात.

मिथुन
बऱ्याच दिवसांच्या प्रतीक्षेनंतर आजचा सुंदर, उत्तम दिवस आज आलेला आहे. आपल्यातील उत्साहाने, कर्तुत्वाने समोरच्यावर आज आपला प्रभाव पाडाल. आपल्या आवडीनिवडी जपण्यासाठी आज वेळ काढाल.

कर्क
आजचा दिवस काहीसा तणावयुक्त, संघर्षमय जाऊ शकतो. आज मानसिक अस्थिरता जाणवेल. शक्यतो कोणतेही महत्त्वपूर्ण निर्णय घेणे टाळावे. खर्चावर नियंत्रण आवश्यक राहील.

सिंह
आजच्या दिवशी आनंदाची, सुखाची, लाभाची प्राप्ती संभवते. आजचा दिवस अगदी मजेत व्यतीत कराल. आवडत्या व्यक्तींच्या सहवासाने सुखावून जाल.

कन्या
आजचा आपला संपूर्ण दिवस आपल्या कामावरती लक्ष केंद्रित कराल. हाती घेतलेले कार्य पूर्णत्वास नेण्यासाठी प्रयत्नशील राहाल. मात्र कामाचा काहीसा तणाव जाणवेल.

तुळ
आजचा दिवस अतिशय आनंदात, उत्साहात व्यतीत करण्याकडे आपला कल राहील, आजचा दिवस आपल्यासाठी नवीन ऊर्जा व अभूतपूर्व उत्साह यांनी भरलेला असेल.

वृश्चिक
आजचा दिवस काहीसा त्रासदायक, कष्टप्रद, अडचणींनी युक्त असा जाऊ शकतो. विनाकारण चिडचिड, कटकट, वादविवाद यासारखे प्रसंग टाळा. अन्यथा नंतर पश्चाताप होऊ शकतो.

धनु
आजच्या दिवशी सर्वांना सोबत घेऊन चालण्याचा प्रयत्न कराल. व्यापारी, व्यावसायिकांसाठी काहीसा आश्वासक दिवस राहू शकतो. व्यावसायिक भागीदारांशी सामंजस्याची भूमिका ठेवून वागा.

मकर
आजचा दिवस काहीसा मनस्तापाचा जाऊ शकतो. आरोग्याचे काही प्रश्न सतावतील. प्रकृती अस्वस्थता जाणवेल. आपली योग्यता,कर्तुत्व यांची योग्य ती दखल आज घेतली जाणार नाही.

कुंभ
आजचा दिवस आपल्यासाठी उत्तम असणार आहे. आज काही नवीन संधी, नवी उमेद प्राप्त होईल. आपल्यातील सुप्त कलागुणांना वाव देऊन सौख्याचा अनुभव आजच्या दिवशी घ्याल.

मीन
आज घरातील मंडळींसमवेत घरातील कामांमध्ये रममाण होण्याचा दिवस आहे. आज आपले घर सुशोभित करण्याकडे आपला कल राहील. घरात चैतन्याचे वातावरण राहील.