बुधवार, ०५ ऑक्टोबर २०२२

{ आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद }

मेष
आज आपल्या कार्यक्षेत्रात काही नवीन कार्यप्रणालीचा अवलंब कराल. सामाजिक कार्यात सफलता मिळेल. मान सन्मान प्राप्त होतील. आपले काम चोख, प्रामाणिकपणे पार पाडाल.

वृषभ
आजचा दिवस हा आपल्यासाठी भाग्य, आनंद, यश यांची प्राप्ती करणारा असेल. गुरुजनांचे आशिर्वाद प्राप्त कराल. त्यामुळे दिवसभर नव चैतन्याचा अनुभव घ्याल.

मिथुन
आज घरातील मंडळींच्या सहकार्याने घरातील एखादे महत्त्वाचे काम पूर्ण कराल. आजचा दिवस आपल्या मर्जीने मनसोक्त व्यतीत कराल.

कर्क
आज आपल्या जोडीदारासमवेत छान, मजेत वेळ व्यतीत कराल. जोडीदाराचे भरभरून प्रेम व सहकार्य लाभेल आपणही जोडीदाराच्या भावना समजून घेण्याचा प्रयत्न करा. व्यावसायिकांसाठी देखील उत्तम दिवस असेल.

सिंह
आजचा दिवस कुटुंबीयांमध्ये रममाण होण्याचा आहे. त्यांच्या आनंदात आज आपले सुख शोधण्याचा प्रयत्न करा. त्यांच्या इच्छा, आकांक्षांचा आदर करा.

कन्या
आजचा आपला दिवस आनंदात, उत्साहात व्यतीत कराल. आज आपल्यातील कलागुणांना जोपासण्यासाठी वेळ काढाल. संतती समवेत ही अमूल्य वेळ व्यतीत कराल.

तुळ
आज कुटुंबातील, परिवारातील सदस्यांसमवेत आनंदात वेळ घालवाल. आजच्या दिवशी सौख्याची प्राप्ती होईल. घरातील काही महत्त्वाची कामे आज पूर्ण कराल. त्यात कुटुंबियांचे सहकार्य लाभेल.

वृश्चिक
आजचा दिवस कर्तृत्व, पराक्रम गाजविण्याचा दिवस आहे. आज अधिक मेहनत घेऊन आपली कामे पूर्ण करण्याकडे कल असेल. काही महत्त्वाचे व धाडसी निर्णय घ्याल.

धनु
आजचा दिवस कौटुंबिक सौख्य, समाधानाचा आहे. कुटुंबातील सदस्यांसमवेत जास्तीत जास्त वेळ व्यतीत कराल. पाहुण्यांचे आदरातिथ्य कराल. काही महत्त्वाचे आर्थिक व्यवहारही आज पूर्ण कराल.

मकर
आजच्या दिवशी नाविन्यपूर्ण उत्साह, ऊर्जा, आनंद यांचा अनुभव घ्याल. आजचा दिवस आपल्यासाठी उत्तम असणार आहे. स्वतःसाठी वेळ काढाल. काही महत्त्वाचे निर्णय घेऊन त्यावर अंमलबजावणी देखील कराल.

कुंभ
अचानक काही अशांती, असमाधान जाणवेल. आपले म्हणणे लोकांना पटवून देण्यात असमर्थता वाटेल. काही भौतिक गोष्टींवर खर्च संभवतात. काही जोखमीच्या बाबी टाळाव्यात.

मीन
इतक्या दिवसांपासून आपण घेत असलेल्या मेहनतीचे, कष्टांचे शुभ फळ आज प्राप्त होईल. विद्वान, जाणकार व्यक्तींचे मार्गदर्शन मिळेल. काही भेट, उपहार प्राप्त होतील.