🔼 प्रबंधाच्या पहिल्या पानावर- संस्थेचे नाव परीक्षेचे नाव व वर्ष,  परीक्षार्थीचे पूर्ण नाव,

 निवासी पत्ता, मोबाईल क्रमांक, संस्थेने दिलेला पंजीकरण क्रमांक, आपण यापूर्वी संस्थेची जी परीक्षा दिली तिचे पूर्ण नाव व वर्ष.

 कुंडल्यांची एकूण संख्या, प्रबंधाच्या एकूण पानांची संख्या, सर्वात शेवटी स्वतःचे नाव व स्वतःची स्वाक्षरी असावी.

🔼 प्रबंधाच्या दुसऱ्या पानावर – अनुक्रमणिका असावी.

▪️ त्यात सर्वात वर विषयाचे नाव असावे – जसे परित्यक्ता

▪️ त्याखाली खालील प्रमाणे  10 कुंडल्यांसाठी तक्ता तयार करावा.

 त्या तक्त्यात.-

1. कुंडलि क्रमांक

2. लिंग- स्त्री-पु

3. जन्म दिनांक

4. जन्मवेळ

5. जन्मस्थळ  ( अक्षांश रेखांश लिहावे )

6. कुंडलीची पृष्ठ संख्या- जसे 3

7. प्रबंधाची सलग पृष्ठ संख्या  जसे- 57 ते 59

 अशा प्रकारचे रकाने असावे.

🔼 एकाच विषयाच्या सर्व कुंडल्या एका पाठोपाठ घ्याव्यात.

🔼 नंतर पुन्हा पुढचा विषय टाकून याच प्रमाणे रकाने करून कुंडली क्रमांक 11 ते 20 चा तपशील द्यावा.

🔼 यानुसार 50 कुंडल्यांची अनुक्रमणिका पूर्ण करावी.

 त्यानंतर कुंडली क्रमांक 1 ते 50 पर्यंत सलग विवेचने घ्यावीत.

💢 कुंडली विवेचन करताना –

▪️ सर्वप्रथम कुंडलि क्रमांक लिहावा.

▪️ नंतर कंसात (संक्षेपात ) विषय लिहावा.

▪️ जातकाचा जन्म तपशील लिहावा.

( जातकाचे नाव लिहिण्याचे टाळावे तसेच, जन्मस्थळहि गुप्त ठेवावयाचे असल्यास, गावाचे अक्षांश रेखांश लिहावे )

▪️ जन्म कुंडलीची आकृती लिहा.

▪️ ग्रहस्थितीचे वर्णन करा.

▪️ विषयाशी संबंधित कोणते ग्रहयोग या कुंडलीत आढळलेत?. ते स्पष्टपणे लिहा.

▪️ चंद्र कुंडली, नवांश कुंडली, यांचाहि त्या ग्रह योगास अनुसरून आधार घ्या.

▪️ विषयाच्या अनुषंगाने,इतर वर्ग कुंडल्याहि उपयोगी ठरू शकतात. जसे- संतानयोगासाठी D-7 कुंडलीचा परामर्श घेणे आवश्यक ठरते.

 त्यामुळे, संबंधित कुंडल्यांचाहि विचार अपेक्षित असतो.

▪️ सर्वात शेवटी, सर्वाष्टक व भिन्नाष्टक याचाहि आपण फलादेशासाठी उपयोग करू शकता. अष्टकवर्गाचे व तत्सम संबंधित कुंडल्याची चित्रे, आवश्यक तिथे, वर्णनाच्या समीपच, असावीत.

💢 कुंडलीची चित्रे, तक्ते, त्यातील तपशील वाचता येईल इतपतच, मोठी असावी. ती फार मोठी व फार लहान असू नये.

💢 लिहिताना अनुच्छेद व शुद्धलेखन यावर कटाक्षाने भर द्यावा.

💢 विशेष महत्त्वाची वाक्ये व वाक्यांश ठळक अक्षरात लिहावेत.

💢 नंतर ( संक्षेपात) कुंडलीची ठळक वैशिष्ट्ये लिहावित. जसे नि :संतान योगाच्या कुंडलीत गुरु नीच राशीत व शनी दृष्टीत असेल तर, गुरु नीच व श दृष्ट.

💢 संपूर्ण लेखन फक्त संबंधित विषयास अनुसरूनच असावे. पृष्ठ संख्या वाढू नये म्हणून, कुंडलीतील इतर बाबींचा त्यात उल्लेख नसावा.

💢 शक्यतोवर प्रबंधातील मजकूर हा टंकलेखित असावा. हस्तलेखनामुळे पृष्ठ संख्या अधिक वाढते व लिखाणास तेवढा सुबकपणा येत नाही.

💢 सर्वांनी  प्रबंधासाठी कागद A 4 वापरावा .

💢 मजकुराचे टंकलेखन   11 वा 12 नं च्या फॉन्ट मध्ये असावे.( वाचताना त्रास व्हावयास नको. हे लक्षात घेऊन फॉन्ट ची निवड करावी )

💢 संपूर्ण प्रबंध टंकलेखित झाल्यावर, अनुक्रमवार पाने लावून प्रबंधाचे पक्के बाईंडिंग करावे. शक्यतो स्पायलर बाइंडिंग करू नये.

💢 हा प्रबंध आपल्याला परीक्षा हॉलवर, परीक्षा सुरू होण्यापूर्वी, सादर करावयाचा असतो. काही विशिष्ट परिस्थितीत तो परीक्षेच्या काही दिवस अगोदरहि मागविला जाऊ शकतो.

💢 वेगवेगळ्या विषयाच्या कुंडल्या मिळवणे, विविध कुंडल्याच्या अनुषंगाने त्यांचे विवेचन करणे ते टंकलिखित करणे यास आपल्याला बराच वेळ लागू शकतो. असे असले तरी, नियोजनबद्ध पद्धतीने, व दिलेल्या सूचनांना अनुसरून, आपण जर या कार्यास प्रारंभ केला तर, निर्धारित वेळे अगोदर, आपण प्रबंध पूर्ण करू शकतो, याची जाणीव ठेवावी.