राशिफल

मंगळवार, १३ फेब्रुवारी २०२४

{आज ज्यांचे वाढदिवस किंवा लग्नाचे वाढदिवस असतील त्यांना खूप खूप शुभेच्छा व आशीर्वाद}

मेष
आजच्या दिवशी कोणाशीही वादविवाद, कटकटी होणार नाहीत, याची काळजी घ्यावी. अन्यथा मनस्ताप होऊ शकतो. आज काही अनपेक्षित खर्च ही उद्भवतील.

वृषभ
आजचा दिवस लाभ प्राप्तीचा आहे. अनेक दिवसांपासून मनात असलेल्या काही इच्छा, आकांक्षांची पूर्तता होईल. आपला सहवास सर्वांना हवाहवासा वाटेल.

मिथुन
आजचा आपला दिवस हा कर्तव्याला प्राधान्य देणारा असेल. आज दिवसभर कामात व्यग्र असाल. आपले सर्व कसब पणाला लावून आज आपली कामे पूर्णत्वास न्याल.

कर्क
आजचा दिवस हा आपल्यासाठी भाग्य, आनंद, यश यांची प्राप्ती करणारा असेल. गुरुजनांचे आशिर्वाद प्राप्त कराल. त्यामुळे दिवसभर नव चैतन्याचा अनुभव घ्याल.

सिंह
आजच्या दिवशी काही अडचणी, अडथळे संकटे यांचा सामना करावा लागू शकतो. काही अनावश्यक भीती, चिंता सतावेल.

कन्या
आज उत्तम वैवाहिक सौख्याचा आस्वाद घ्याल. आजच्या दिवशी जोडीदाराचे भरभरून प्रेम, सहकार्य लाभेल. जोडीदाराच्या आरोग्याची काळजी घ्यावी लागेल.

तुळ
आज शारीरिक व मानसिक अस्थिरता जाणवेल. आरोग्याच्या तक्रारी सतावतील. आरोग्याकडे दुर्लक्ष करून चालणार नाही.

वृश्चिक
आजचा संपूर्ण दिवस उत्साहाने, आनंदाने भरलेला असेल. आज स्वतःच्या आवडीनिवडी, छंद जोपासाल. संततीसोबतही आनंदात वेळ व्यतीत कराल.

धनु
आजच्या दिवशी उत्तम गृहसौख्याचा लाभ घ्याल. घरातील सदस्यांसमवेत घरातील काही महत्त्वाची कामे पूर्ण कराल. घरातील मंडळींची सेवा कराल.

मकर
आज काही धाडसी, महत्त्वपूर्ण निर्णय घ्याल. मात्र निर्णय घेताना त्यावर सखोल विचार करणे आवश्यक राहीलं. आज भावंडांचे सुखही लाभेल.

कुंभ
आज उत्तम कौटुंबिक सौख्याचा आस्वाद घ्याल. कुटुंबीयांसमवेत आजचा दिवस आनंदाने व्यतीत कराल. आज काही आर्थिक व्यवहारही पूर्ण कराल.

मीन
आजचा आपला दिवस हा अतिशय सुंदर व उत्साहपूर्ण असेल. त्याचे योग्य नियोजन करून तो व्यतीत केल्यास त्याचा अवश्य लाभ होईल.