ज्योतिषशास्त्र ही भारतीय संस्कृतीची जगाला दिलेली अमूल्य देणगी असून ऋषीमुनींच्या संशोधनातून निर्माण झालेले हे शास्त्र आजही तितकेच उपयुक्त आहे. मनुष्याचे जीवन अधिक सुखकर व्हावे, हाच त्याचा मुख्य उद्देश आहे. या ज्योतिषशास्त्राची सेवा ॲस्ट्रोगुरु डॉ.सौ. ज्योती जोशी गेली २२ वर्षे श्री वैदिक ज्योतिष संशोधन केंद्राच्या माध्यमातून करीत आहेत.

आजच्या विज्ञाननिष्ठ युगात प्रत्येक गोष्ट सिद्धांतांच्या आधारावर स्वीकारली जाते. हीच मानसिकता ओळखून डॉ. जोशी यांनी ज्योतिषशास्त्रही शास्त्रशुद्ध, तर्कसंगत पद्धतीने मांडण्यावर भर दिला. त्यामुळे विशेषतः तरुण पिढीमध्ये ज्योतिषशास्त्राविषयी विश्वास निर्माण होऊ लागला.

कन्या जन्मपत्रिकेचा मोफत उपक्रम आणि ऑनलाईन मोफत ज्योतिषशास्त्र सर्टिफिकेट कोर्स यांसारख्या उपक्रमांमुळे त्यांनी ज्योतिषशास्त्र घराघरात पोहोचवले. “ज्योतिषशास्त्र – अ, ब, क, ड” या लोकप्रिय पुस्तक मालिकेसह ज्योतिषशास्त्राच्या प्रसारासाठी त्यांचे योगदान उल्लेखनीय मानले जाते.